唔想请假出国去旅行，但又想趁週末假期短短地嚟一场轻度假？近年唔少情侣或一家大细都会选择入住深圳民宿，同另一半及小朋友出游两日一夜。除咗性价比高之外，更睇到无敌海景，畅玩水上活动，而且装潢都打卡friendly！今次当然有一众社群U Creator为大家推介7间高性价比、适合香港人短途放空嘅深圳海景打卡民宿，bookmark定日后北上都可以做参考啦~

➤立即下载U Lifestyle App➤详情懒人包

【请您食月饼】送利苑双聚嚐月礼盒！

即日起至2025年9月4日，U Community社群联同利苑为您送上人气之选—「双聚嚐月礼盒」，一盒有齐「迷你流心奶黄月饼」及「双黄白莲蓉月饼」！现时只需简单登记及赞好利苑集团（香港）FB 及 Follow leigarden IG，即有机会免费带返屋企同家人一齐品嚐！

登记赢走月饼礼盒

深圳海景民宿推介 | 深圳南澳海边民宿

提到近年新兴度假胜地，一定非深圳南澳莫属。位于大鹏半岛南端，三面环海，有着大片天然海滩，海水十分清澈透亮，您可以盡情玩盡独木舟、水上单车等各类水上活动！搭配沿岸一系列海边民宿，梦幻嘅异国风情绝对系度假首选。想知里面啲民宿有几靓就要睇落去啦！

1. 蜜悦·蓝白圣岛悬崖泡池美宿

相信大家喺社交媒体上都一定有见过呢个蓝砖白墙嘅希腊风建筑。一栋又一栋圣托里尼优雅风嘅白房子，又称「东方小夏威夷」，原来就系呢间悬崖海景酒店！就好似佢个名咁，建筑层层递进嘅感觉好似置身于悬崖一样。房间可以270度饱览南澳湾大片海景，当中仲有洞穴浴池海景房，可以打卡被泂穴框住嘅南澳湾唯美日落，浪漫到好似一幅画咁！

地址：龙岗区南澳街道海滨南路33号D2栋交通︰莲塘口岸出发搭乘专车/计程车约1小时

>由 “美食终结者Rose” 带您盡情打卡「东方小夏威夷」海景民宿<

2. 蜜悦·深圳罗马假日汤泉泡池美宿

呢间近年开业嘅民宿以「罗马假期」为概念，位于南澳凯旋湾別墅区。无论系古罗马式半圆形门窗拱廊，或者地面嘅几何图案瓷砖，都神还原罗马建筑，令您置身欧洲一样！而且民宿邻近南澳第一沙滩，喺房入面都可以轻松解锁大片海景。而且7月最新开业嘅B栋更设有私人泳池，配埋窗外绿油油草地，一秒疗癒身心！

>跟住 “letsgofollowme” ，一同打卡绝美欧陆风海景民宿<

地址：南澳街道水头沙社区海滨北路2号凯旋湾花园15号101室交通︰莲塘口岸出发搭乘专车/计程车约1小时

3. 深圳半天云海岸渡假村

深圳半天云海岸渡假村系一座位于南澳，立于悬崖之上、面向大海嘅小型度假住宿，由三栋別墅以五星级酒店规模组成，适合一大班人两日一夜team building度假！除咗可以饱览无敌海景观日落外，里面仲有独立泳池，而且配套齐全，有齐电动麻将､投影萤幕、蓝芽音响等等，无论系搞婚礼、开party定庆生都系一流之选！

>等 “Sharonchan999” 分享半天云海岸渡假村有几正<

地址：深圳市龙岗区南澳洋稠路1-3号交通：深圳市区搭乘M231路巴士，在「半天云」站下车

4. 阿卡那拉琉璃海度假区

南澳又一间望到无敌大海景嘅民宿度假区！「阿卡那拉琉璃海度假区」主打全透明玻璃屋设计，每间房都可以解锁窗外绝美玻璃海~度假区内有私人海滩，您可以喺入面玩盡独木舟、浮潜等水上活动。推荐日落时间去泂穴酒吧或餐庞拎住杯cocktail打卡，保证出片！

地址：龙岗区南澳街道南隆社区洋畴湾花园44栋B单元2楼交通︰深圳北站搭乘E11路巴士到大鹏中心1站再转乘M321/自驾

>按此跟随 “catchu” 一齐感受阿卡那拉度假区风情<

5. 深圳苫也·溪上屿海景民宿

唔使去到海南岛都打卡到「三亚」世外桃源般嘅风景！如果想体验人烟稀少嘅生活，「苫也·溪上屿海景民宿」系一个好选择！民宿位于大鹏东涌沙滩，以私汤同山林景色闻名，甚至有深圳「小三亚」之称。附近有齐沙滩、山林同溪流，轻松实现海滩玩半日后，再泡汤消除疲劳嘅別緻享受~~想抛低烦恼，过一个慢活惬意生活节奏，呢间民宿绝对系首选！

地址︰龙岗区南澳街道东涌社区冲街0359号101交通：自驾/罗湖口岸搭乘计程车

> 跟住 “小沐 Virgo” 打卡深圳小三亚民宿<

深圳海景民宿推介 | 深圳日式私汤民宿

6. 寸石汤屋

唔使出国都享受到日式温泉？仲可以边泡汤边望海，贵妇级享受！盐田区大梅沙呢间民宿主打日式简约风，还原日本传统温泉酒店独有建筑元素，再融入先进设备，设有巨型投影屏及音箱。墙边嘅猫猫插挂画超可爱呀~而且露台都系面朝大海景，住客仲可以换上浴衣体验正宗日式泡汤。以上体验居然人均唔使¥400，实现平住做公主嘅梦想~

地址︰盐田区环梅路海阔凌海公寓交通：地铁8号缐大梅沙站C出口

7. 仙本那海景沙滩民宿

民宿位于深圳较场尾，为大鹏半岛沿海一个小村落，有清新广阔嘅海景及文青感十足嘅建筑物，独有嘅艺术慢活氛围令佢有深圳「小鼓浪屿」之称，最适合两日一夜度假！民宿附近除咗有一大片海滩及整条美食街外，民宿内都充满惊喜，提供免费中/西式早餐及下午茶〝晚餐仲可以望住海景BBQ，轻松望住180度海景观享用私汤、KTV，仲有室外游泳池，基本上每个位都系打卡位，开party必住！

地址：龙岗区较场尾路较三西八巷7号101交通：深圳市区搭乘M471或M457路至较场尾公车站

🔔 Follow《U Communiy社群》Instagram同赞好 Facebook专页 ，睇更多U Creator品牌活动招募丶送礼丶紧贴最新美食丶旅游打卡热话或创作者流量密码教学等。

💰分享精彩旅行时刻，即赚无上限现金赏！立即加入《社群创作有价企划》：https://ulapp.hk/j9kzn

图片来源：小红书帐户@蜜悦文旅、@阿卡那拉美宿度假区、@清溪乡舍、@寸石汤屋、社群U Creator 美食终结者Rose 、@letsgo.followme 、@Sharonchan999 、@catchu0608 、@小沐 Virgo

#BESTFOODwithUCreator #UCreatorHK #TRAVELwithUCreator #ULifestyle应用程式 #ULifestyleApp #UCommunity #社群 #社群创作有价企划 #深圳打卡 #深圳 #深圳民宿 #海景民宿 #日式私汤 #无敌海景 #温泉酒店 

特别声明：本文为转载/投稿，仅代表该原作者观点。NESTIA仅提供信息发布平台。