独家丨陈俞希麦沛东葛绰瑶加料创作笑位 演《社内相亲》担心与韩版比较

陈俞希（Hailey）、麦沛东（麦东）和葛绰瑶（Yoyo）在Viu剧《社内相亲》首度合作，3人最初都有担心外界拿来跟韩版比较，但拍落认为港版有其特色，他们撞出不少新彩火花，笑位亦会再加料创作。採访：杜杜 摄影：朱伟彦 服装:bread n butter(Hailey)、ONS at Kapok(麦东)、LILY BROWN(Yoyo) 美甲:@kissablenail(Hailey)

麦东、Hailey和Yoyo虽然初次合作，但题材轻松，所以拍摄气氛特別愉快。

麦东、Hailey和Yoyo虽然初次合作，但题材轻松，所以拍摄气氛特別愉快。

麦东、Hailey和Yoyo虽然初次合作，但题材轻松，所以拍摄气氛特別愉快。

由于该剧改编自韩剧，观众难免会有比较，不过Yoyo认为最紧要带到开心畀观众，「两个版本有啲细位真系会有唔同，港版会有自己特別地方。」 Hailey最初因角色外形分別大而好担心，但后来已豁出去，「我个角色行出嚟个感觉都好唔似，希望观众会当咗另一个角色咁去睇，同埋我同麦东条感情缐处理手法都会好唔同。」麦东就觉得办公室戏份轻松最重要，「我哋玩得开心，观众自然就会睇得开心。」

麦东演舞台剧做喜剧就试得多，因拍剧是首次而特別紧张。

Yoyo好担心角色给人「懒」可爱感觉，拿捏要好小心。

Hailey饰演的经理「Edith姐」，跟韩版金贤淑演的「吕依主」外形分別好大。

Hailey饰演的经理「Edith姐」，跟韩版金贤淑演的「吕依主」外形分別好大。

麦东大玩花式叠杯

麦东解释该剧除了港版特色，笑位他们亦会再加料炮制，「有场其实系意外嚟，讲我要冲返office，导演只系要求我急步行，但我贪玩全速跑，一转弯就跣倒，拍咗落嚟仲会剪埋出街，大家睇到唔好以为系替身嚟喎，哈哈！」Yoyo笑着补充，「佢高速到我哋本嚟望到佢喺度，但好快唔见咗。」但麦东投诉两个拍档完全没人性，「佢哋完全没关心我有没整亲，净系识得喺度笑啰！」Hailey就解释：「本来我哋要接住讲对白，但系佢已经挞咗喺地下，我哋又有咩办法唔笑啫！」

麦东、Hailey和Yoyo跟陈汉娜都是食品研发部（一组）职员。

剧中3人主力负责在办公室搞笑。

剧中重要场景都会跟韩版大同小异，譬如CEO跟女主角一班同事去噼酒庆功，韩国锺意饮烧酒加啤酒，但香港唔兴导演就提议麦东玩花式叠杯。麦东说：「导演畀咗条片系个专业bartender喺度抛杯，我边可能做到，但后尾我都要玩类似骨牌嘅叠杯。」Hailey笑麦东紧张到癫，「要一shot落，佢紧张到爆晒汗，我哋本嚟食花生，都戥佢紧张埋。」Yoyo亦爆麦东好大压力，「佢真系好紧张，应该影到佢有手震。」麦东解释因唔想阻大家收工，「佢哋笑都惊震到啲杯，因为跌咗一只杯又要从头嚟过，但嗰场戏拍出嚟气氛好好。」

港版跟韩版一样，正副经理会发展地下情。

《星岛头条》新网站有更多精彩内容：http://www.stheadline.com/

特别声明：本文为转载/投稿，仅代表该原作者观点。NESTIA仅提供信息发布平台。