相信大家日常都会出街食饭，但喺出面食嘢好多时都会落好多调味料，特別系盐同糖。长期摄取过量盐，会增加心血管病同肾病嘅风险，而食得多糖就会导致超重同肥胖，肥胖同糖尿病系息息相关嘅，亦系多种慢性疾病嘅主要风险因素。越来越多香港人了解到健康饮食嘅重要，出街食饭嘅时候都会小心筛选。以下就推介3间新加入少盐少糖食店计划嘅食肆畀大家，齐齐实践健康饮食生活！

为咗推动全城减盐减糖新饮食文化，食物及衞生局、食物环境衞生署食物安全中心及降低食物中盐和糖委员会近年合力展开一系列以「全城减盐减糖」为主题嘅活动，其中之一就系少盐少糖食店计划，哩个计划系推动食肆为顾客提供少盐少糖嘅选择或者特设少盐少糖菜式，希望大家感受到减盐减糖唔等于「淡而无味」，用啱材料同煮法一样可以好好食好健康～最近喜喜冰室、喜乐餐饮.教室同Youni就加入成为少盐少糖食店，以时令蔬果入馔作为天然嘅调味料，带畀大家更多清新菜式！

1.) 復古味浓─喜喜冰室

喜喜冰室设计上仿照旧冰室，供应多款茶餐厅美食，而店入面仲有唔少古董摆设，装潢劲有香港特色，入到去就好似时光倒流到上世纪。除咗装修，更吸引嘅就梗系食物。喜喜冰室特別设计咗几款少盐少糖菜式，试完大家一定回味无穷！

「无肉浮台」

其实系「鸡批浮台」变奏版，但系做嘅时候就用少咗大概三份一嘅盐，再用上白菌、马铃薯、洋葱、粟米、甘笋嘅天然食材增加味道，以青豆、乾绿豆同咖喱香料烹煮搅拌而成，咖喱带出杂菜嘅味道，同汤一齐食，更能够中和焗批嘅油腻感。

蕉酱厚多士

传统嘅奶酱多绝对系港式茶餐嘅经典，但系因为佢糖份高，注重健康嘅一族往往会却步。今次次喜喜冰室用切片香蕉取代原用嘅炼奶作为天然甜味，唔再额外落砂糖，系各位爱好港式茶餐朋友嘅喜讯。

牛油果烚蛋三文治

无须油煎，比以往少四份一盐，选用「超级食物」牛油果，喺味道同感觉上都更健康。

地址：香港铜锣湾Fashion Walk百德新街57号地下C&D号舖

2.) 社企模式经营─喜乐餐饮‧冰室

喜乐餐饮教室以社会企业模式经营，主要为智障人仕提供饮食就业同培训机会， 令佢地融入社会，自力更新。喜乐餐饮教室咁有心，一定好关心食客嘅健康。以下就系佢哋嘅少盐少糖推介。

南瓜肉碎蒸蛋

将南瓜蒸淋打溶，加入蛋液，利用南瓜天然嘅香甜带出蒸蛋浓郁嘅鲜味，比一般嘅烹调方法足足可以减少一半盐同糖，既创新又健康。

蒜茸粉丝杞子蒸鱼柳

蒜茸粉丝系海鲜嘅绝配，但如果调味落得太多，唔单只盖过海鲜本身嘅鲜味，食完仲会盐糖超晒标。呢道蒜茸粉丝杞子蒸鱼柳，首先系将蒜茸混合粉丝一齐炒香，然后再配上鱼柳一齐蒸煮，咁就能够带出鱼柳嘅鲜味，而盐同糖就可以用少三份一。另外，杞子含维他命C及胡萝蔔素，有抗衰老效用，食呢道菜可以摄取好多营养，同时又可以享受到饮食嘅乐趣。

菠萝百合炒鸡柳

百合和新鲜菠萝都有丰富维生素，当中菠萝嘅芳香同微微酸甜嘅味道已足以促进食慾，所以煮呢道菜可以减少用三份一嘅盐和糖。

地址：长沙湾福华街584号地舖

3.) 每天新鲜制造的营养餐盒─Youni

YOUNI系由“YOU”同“I”两个字组成，希望通过食物同你携手共同实现你嘅健康目标，以美味高质素嘅食材制作健康食物、营养餐、即食食品等，亦有网上订购服务，无时无刻达到健体养生嘅目标。

蕃茄猪排

YOUNI利用天然熟成番茄、菠萝、洋葱等材料增加呢道菜式嘅香甜味同果香，咁就可以减少使用糖，酸酸甜甜，特別开胃。

泰式免治猪肉碎

哩道菜精选瘦免治猪肉、茄子，再加入大量天然香料，包括豆角、香茅、姜、柠檬叶、蒜头、胡椒等，咁就可以比以往少用三份一盐，菜式仲更惹味同埋多层次。

巴东草饲牛柳粒

哩道菜加入红萝蔔、洋葱、南姜、红葱头、蒜头、香茅、姜、柠檬叶、杏仁奶、椰浆、红辣椒等大量天然香料调味，咁就可以减少用三份一盐同四份一糖，味道一样咁香浓有风味。

地址：

尖沙咀弥敦道100号The ONE 9楼至11楼

旺角弥敦道639号雅兰中心5楼

九龙湾宏照道38号MegaBox18楼

红磡黄埔天地享膳坊(第4期)地下G8号铺

湾仔柯布连道9-13号建利大厦地舖

中环皇后大道中138号威享大厦高层地下

想时刻保持饮食健康，可以去到Openrice搜寻「少盐少糖」标籤页（https://bit.ly/3pjbRdk）或浏览食物及衞生局网站（https://bit.ly/3no9TXc），就可以揾到更多少盐少糖嘅美食惊喜！

更多关于「全城减盐减糖」运动的最新资讯：

Facebook：全城减盐减糖

Instagram：hkassr

资料由客户提供

特别声明：本文为转载/投稿，仅代表该原作者观点。NESTIA仅提供信息发布平台。