谭永浩同杜小乔因合作音乐剧《我们的青春日志》而挞着。男方好乖仔会陪妈妈去买餸，难怪娘娘会同佢一齐。

就咁嘅，呢篇稿嘅主角叫谭永浩，英文名叫 Jarryd，10年参加英皇新秀歌唱大赛夺得「金咪大奖」及「最受欢迎网上人气奖」，2年后入咗无綫艺员训练班，毕业后做过《安乐蜗》等节目主持，去年喺剧集《救妻同学会》中饰演花弗男，今年终于签TVB做经理人，其实写佢原因同上面介绍嘅完全无关，系因为佢系网络女神杜小乔嘅男友，无错，杜小乔男友陪阿妈买餸，好孝顺呀。採访:梁志明

谭永浩陪妈妈买餸一啲都唔Hea。

拣完肉，谭永浩再去拣菜。

今年7月，娘娘杜小乔喺ig贴上拖手相，公开认爱，男友就系谭永浩。两人因为喺音乐剧《我们的青春日志》中饰演情侣而挞着，对于跟娘娘拍拖，Jarryd接受访问时表示：「其实我真系未试过同行内人拍拖，唔知会点，最重要另一半一定要善良。」对于女友曾经收兵无数，佢话唔介意另一半嘅过去。认真买餸当日晚上七点，戴咗口罩嘅谭永浩陪妈妈喺铜锣湾时代广场超市买餸， Jarryd唔只陪仲会畀意见，兼落手落脚拣，见佢拣蕃茄同菜，又去买扒同酱油，行咗半个钟，买咗一堆餸，又乖又孝顺，难怪杜小乔肯放弃成队兵而情归于佢。

在音乐剧《我们的青春日志》中，谭永浩同杜小乔饰演情侣。

今年7月，娘娘杜小乔喺ig贴上拖手相，公开认爱。

杜小乔系网络女神，ig有38万Follower。

特别声明：本文为转载/投稿，仅代表该原作者观点。NESTIA仅提供信息发布平台。