梓轩操到手瓜起埝，快啲指导吓卫兰修身啦。

王梓轩(Jonathan)为咗下个月20及21日假湾仔会展中心举行两场的《CROSSING源‧乐》狂操肌，至今得到6块腹肌，兼且手瓜起埝，成为真正的肌肉勐男，随时可以配合歌曲喺台上爆肌！问到可会传授健美心得畀表演嘉宾卫兰，好让她唔会肥过「电单车」？梓轩一脸尴尬说：「黎明个人风趣啫，其实佢两姊妹都勤力做运动㗎，但各人体质唔同，要学识爱自己所有。」 採访：方骞平 场地：板神铁板烧日本料理@观塘

和赵增熹合作无间，当年王梓轩仍一脸傻气。

王梓轩有得食铁板烧龙虾开心到不得了，仲主动亲自下厨。

王梓轩向来食嘢好检点，原来4年嚟早餐都一模一样，同样系蛋白、麦皮、烚火鸡胸肉及一个生果。喺演唱会前夕餐单更苛刻要少盐少油少糖，下午只能食烚到似「纸皮」的鸡胸肉加饭菜，晚上不能吃淀粉质，加上做埋健身，𠵱家体脂经已减到得返9%好「乾身」，由于符合理想进度，日前Jonathan偷鸡食好西，食咗餐铁板烧龙虾嚟奖励自己，如同「放监」开心到不得了。不过，辛苦都值得，算系为出道10周年做小总结，兼且答谢喺演艺路途上支持过他的战友：「除咗歌迷、校友买飞橕场，《兄弟帮》好帮手，阿Bob(林盛斌)属下棋人有份投资。当然合作无间嘅赵增熹一早度好期做音乐总监。最搞笑睇返以前同战友啲旧相，我以前肥啲，肉地唔结实，𠵱家唔食红肉收咗水，而且现在没成日系咁傻笑，个样醒啲啰。」

当年经理珊珊个样好清纯。

同《兄弟帮》成员阿Bob、阿范等感情深厚。

再食珊珊柠檬至于经理人珊珊(石祐珊)会否上台接受他的答谢呢？梓轩自爆再次食「柠檬」：「佢忙于做背后嘅运作！(负责做背后嘅女人？)呢啲位置可以行驶佢嘅权力嘛，叫咪、落吓命令更加威，位置更高尚，其实我都好想听到佢，当年嘅首本名曲《厚爱》㗎，哈哈…」

卫兰、卫诗同梓轩都系讲英文，同声同气好倾得埋。

十周年主题曲《多得你》搵嚟一班精灵小朋友帮手拍MV。

同陈炜拍的《多功能老婆》好受欢迎。

特别声明：本文为转载/投稿，仅代表该原作者观点。NESTIA仅提供信息发布平台。